قازاقستان رەسپۋبليكاسىنىڭ قارجى ءمينيسترى باقىت سۇلتانوۆ «قازاقستان رەسپۋبليكاسىنىڭ قارجى مينيسترلىگى مەملەكەتتىك باعالى قاعازداردىڭ ەميتەنتى رەتىندە Euroclear ارقىلى مەملەكەتتىك باعالى قاعازدار نارىعىنا رەزيدەنت ەمەستەردىڭ تۋرا قول جەتىمدىلىگىن قامتاماسىز ەتۋدە مەملەكەتتىك باعالى قاعازداردى ءتيىمدى باسەكەلەستىك شارتتا ورنالاستىرۋعا مۇمكىندىك بەرەدى. بۇل ءوز كەزەگىندە, الەۋەتتى قارىز الۋ قۇنىن تومەندەتۋگە جانە ينۆەستورلىق بازاسىن كەڭەيتۋگە مۇمكىندىك بەرەدى», - دەپ اتاپ ءوتتى.
«Euroclear قازاقستان رەسپۋبليكاسى قارجى مينيسترلىگىمەن جانە جەرگىلىكتى نارىقتىڭ ينفراقۇرىلىمىمەن Euroclear-نى ەنگىزۋدەن پايدا الا الاتىن كاپيتال نارىعىن قۇرۋعا كومەك كورسەتۋ ماقساتىندا سەرىكتەستىك جاساۋعا قۋانىشتى ەكەنىن بىلدىرەدى. Euroclear-نى ەنگىزۋ نارىققا ءبىرتۇتاس, وتىمدىلىكتىڭ قۋاتتى پۋلىن قامتاماسىز ەتۋگە مۇمكىندىك بەرەدى جانە ناتيجەسىندە ول مىقتى ماكروەكونوميكالىق پايداعا, ونىڭ ىشىندە وبليگاتسيالار بويىنشا تابىستىلىقتى تومەندەتۋگە, سونداي-اق جەرگىلىكتى اكتيۆتەردىڭ وتىمدىلىگىن ارتتىرۋعا اكەلىپ, ول ءوز كەزەگىندە, تەرەڭ, تۇراقتى جانە ءىرى جەرگىلىكتى نارىقتى جاسايدى», - دەپ اتاپ ءوتتى Euroclear-دا ETF كاپيتال نارىقتارى, قورلار مەن قىزمەتتەر باعىتتارى بويىنشا عالامدىق بولەمشەنىڭ ديرەكتورى ستەفان پۋيا.
جالپى, بۇل ءوز كەزەگىندە قازاقستاندىق ەميتەنتتەرگە جەرگىلىكتى باعالى قاعازداردى 90-نان ارتىق ەلدەردىڭ 2000-نان اسا قارجىلىق ينستيتۋتتاردى قوساتىن كليەنتتەرى بار اا+ رەيتينگىسىمەن باعالى قاعازداردىڭ حالىقارالىق ورتالىق دەپوزيتاريى Euroclear پلاتفورماسى ارقىلى تۋرا, قاراپايىم جانە ءتيىمدى تۇردە شىعارۋعا مۇمكىندىك بەرەدى.
«Euroclear ارقىلى قازاقستاندىق ەميتەنتتەر «استانا» حالىقارالىق قارجى ورتالىعىنىڭ ءبىرتۇتاس پلاتفورماسىندا جەرگىلىكتى جانە حالىقارالىق ينۆەستورلارعا دا قول جەتىمدىلىككە يە بولا الادى. ۋاقىت وتە كەلە باعالى قاعازدار ەميتەنتتەرى ءۇشىن قارىز الۋ قۇنى تومەندەپ, قازاقستان ەكونوميكاسىنىڭ دامۋىنا ءوز ۇلەسىن تيگىزەدى دەپ كۇتىلۋدە», - دەپ «استانا» حالىقارالىق قارجى ورتالىعىنىڭ اكىمشىلىگى» اق باسقارما توراعاسى نۇرلان قۇسايىنوۆ اتاپ ءوتتى.
الەمدەگى پوست-ترەيد قىزمەتىن جەتكىزۋدەگى الدىڭعى قاتارلى جانە سەنىمدى جەتكىزۋشىلەردىڭ ءبىرى بولىپ تابىلاتىن Euroclear-ءدىڭ قازاقستاننىڭ نارىق كاپيتالىنىڭ دامۋىنا قاتىسۋى قازاقستاننىڭ قارجى نارىعىندا تيىمدىلىك پەن تۇراقتىلىقتى قامتاماسىز ەتۋگە سەپتىگىن تيگىزەدى.
